GUSHT 2009

1/8 SAB XVII° T.O. [I]
Lv 25,1.8-17; Sal 66; Mt 14,1-12
Unë jam Zoti, Hyji juaj Lev 25,17
Hyji ynë, Ai që kish filluar të shfaqej në Besëlidhjen e Vjetër e me të cilin Jezusi na njohu dhe ende na njeh, mbart vulën e dashurisë, të atësisë; ai na fton të bashkëndajmë "dhembshurinë" e tij për çdo njeri. Dhe në këtë bashkëndarje ne ndjejmë të gëzojmë plotësi jete.
Faleminderit, Atë, që unë zbuloj se je "më i bukur" nga ç'mund të të kisha ëndërruar kurrë!

2/8 DOM XVIII° T.O. Anno B [II]
Es 16,2-4.12-15; Sal 77; Ef 4,17.20-24; Gv 6,24-35
Unë jam buka e jetës Gjn 6,35
Në takimin e lutjes kish ardhur një grua e moshuar; para se të fillonim ajo na kish thënë në mirëbesim se sa shumë hidhërim merrte prej sjelljes pa dashuri të një personi prej saj të dashur. Pikërisht atë ditë neve na propozohej e na shpjegohej takimi i Jezusit me Zakeun: ajo grua ndjeu në zemrën e saj dashurinë e paqen e Jezusit dhe u kthye në shtëpi e kënaqur. Jezus, ti je buka e vërtetë për ne!

3/8 LUN XVIII° T.O. [II]
Nm 11,4-15; Sal 80; Mt 14,13-21
Të gjithë hëngrën eu ngopën Mt 14,20
Le të vendosim sot gjithçka në duart e Jezusit: edhe pse për sytë tanë nuk është ndonjë gjë e madhe, ne i ofrojmë atij lodhjen tonë, frymëmarrjet tona, hapat tanë, gëzimet tona… Në mbrëmje do të kemi gëzim: do të jetë ky i njëjti gëzim i Atit, që edhe falë "asgjë"- së sonë, do të ketë mundur të shuajë urinë në botë me dhuratën e tij hyjnore.

4/8 MAR XVIII° T.O. [II]
Nm 12,1-13; Sal 50; Mt 14,22-36
O Zot, më shpëto! Mt 14,30
Pjetri po zhytej në ujë, ndërsa ecte mbi det drej Jezusit…
Ja se çfarë më bën të mendoj ky episod: kur kemi marrë vendimin që të bëjmë një hap, që ndoshta edhe duke na kushtuar, do të na afronte pranë zemrës së Jezusit, në këtë çast na zë frika se mos humbasim jetën tonë e kështu bllokohemi në këtë ecje tonën.
"O Zot, na shpëto!": Jezusi do të dijë të na dhurojë besim, forcë e paqe.

5/8 MER XVIII° T.O. [II]
Nm 13,1-3.25-33 - 14,1.26-30.34-35; Sal 105; Mt 15,21-28
Unë, Zoti, e thashë fjalën time Nr 14,35
Populli në shkretëtirë kishte mërmëritur kundër Zotit: nuk kishte pasur besim tek ai, tek dashuria e tij, tek fuqia e tij. Ky mosbesim e trishtoi zemrën e Atit më shumë se çdo mëkat tjetër; dhe ai ndërhyri me qartësinë e tij, me autoritetin e tij.
Na dhuro o Shpirt i Shenjtë, një zemër prej biri që të dijë gjithmonë të besojë në mirësinë dhe urtinë e Atit!

6/8 GIO XVIII° T.O. [II] TRASFIGURAZIONE del SIGNORE [P]
Dn 7,9-10.13-14; Sal 96; 2Pt 1,16-19; Mc 9,2-10
Mësues, sa mirë që jemi këtu Mk 9,5
Çdo vit ne festojmë me gëzim këtë Festë të bukur të Zotit tonë Jezus.
Ati e shndërron atë, në mal, dhe tre prej dishepujve të tij e kundrojnë në shkëlqimin e tij hyjnor: është bukur për ne të qëndrojmë këtu!
Faleminderit Atë, që herë pas here na zbulon edhe neve diçka prej fytyrës së mrekullueshme të Birit tënd të dashur: ato janë si dritëza të mëdha që na ndihmojnë të mos shkëputemi prej tij as në çastin e sprovës.

7/8 VEN XVIII° T.O. [II]
Dt 4,32-40; Sal 76; Mt 16,24-28
Do të shpërblejë çdo njeri sipas veprave që ka bërë Mt 16,27
Vepra me më shumë peshë do të jetë t'i kesh besuar apo të mos i kesh besuar, ta kesh falënderuar e t'i jesh përgjigjur ofertës së vetes që Jezusi bëri në kryq.
A e lejoj unë veten time të shpëtohet prej Jezusit? A jetoj unë pastaj në këtë gëzim duke e ndjekur e duke iu dhuruar edhe unë atij?

8/8 SAB XVIII° T.O. [II]
Dt 6,4-13; Sal 17; Mt 17,14-19(gr. 14-20)
O brezni e pafe dhe e mbrapshtë! Mt 17,17
Përmes fjalëve të një vëllai apo një fakti të jetës ne vëmë re herë pas here ftesën e Zotit.
Shpesh më ka ndodhur kështu; herët e para kam ndjerë vuajtje dhe tundim për t'u shkurajuar, por shumë shpejt zemra ime është ndriçuar: kam parë dashurinë e fortë e besnike të Atit, e cila më udhëhiqte pikërisht udhës së tij, në shenjtëri e urti. Përvujtnisht e kam falënderuar.

9/8 DOM XIX° T.O. Anno B [III]
1Re 19,4-8; Sal 33; Ef 4,30 - 5,2; Gv 6,41-51(52)
Ai që vjen prej Hyjit e ka parë Atin Gjn 6,46
Të gjithë profetët kanë qenë dërguar prej Hyjit, por ata ishin njerëz të zgjedhur mes njerëzve të kësaj bote.
Vetëm Jezusi ka ardhur prej Hyjit, prej lavdisë që kishte pranë Atit para se bota të qe krijuar. Vetëm ai e njeh plotësisht Atin e mund të na e zbulojë. Vetëm ai, duke dhuruar konkretisht veten e tij, mund të përçojë jetën hyjnore që Ati do t'i japë njerëzimit nën pushtetin absolut të vdekjes.

10/8 LUN XIX° T.O. [III] S. LORENZO, diacono e martire, † 258 [P]
2Cor 9,6-10; Sal 111; Gv 12,24-26
Drejtësia e tij qëndron në amshim 2Kor 9,9
Shën Lorencin Kisha e nderon në mënyrë të veçantë. Ai ishte Diakon i Kishës së Romës; ai vendosi të gjithë dashurinë dhe diturinë që Zoti i dhuronte në shërbimin për të varfërit, deri në flijimin e jetës në martir.
Ne e nderojmë "drejtësinë tënde", Vëlla i dashur, së pari duke u përpjekur ta imitojmë, duke e lejuar veten tonë të mbushemi me "Shpirtin e Shenjtë, "Arkitekt" i të gjithë Shenjtërve të Jezusit.

11/8 MAR XIX° T.O. [III]
Dt 31,1-8; salmo: Dt 32,3-4.7-9.12; Mt 18,1-5.10.12-14
Thirri pranë vetes një fëmijë Mt 18,2
Pyetjes së dishepujve: "Kush është më i madhi në Mbretërinë e qiejve?" Jezusi i përgjigjet me këtë gjest të bukur.
Kur nuk mundemi e nuk duam të bëjmë ne diçka "të madhe" në mbretërinë e qiellit, kur bëhemi "të vegjël", duke i lënë hapësirë pranisë së tij, planeve të tij, veprës së tij, atëherë ne jemi të çmuar para syve të Zotit.

12/8 MER XIX° T.O. [III]
Dt 34,1-12; Sal 65; Mt 18,15-20
Po të dëgjoi, e ke fituar vëllanë tënd Mt 18,15
Kurajo e përvujtni; këto janë dy gjëra të nevojshme për të ndihmuar dikë të ndreqet; kurajo që vjen kur duam të mirën e tjetrit dhe përvujtni që di të mos dënojë e kur është e nevojshme "të gëlltisë"...
Por kur unë dënoj brenda vetes, apo më keq akoma para të tjerëve, atëherë jam frikacak e arrogant.
Unë i falënderoj ata vëllezër që patën kurajën të ndreqin krenarinë time për të më ndihmuar të pendohem.

13/8 GIO XIX° T.O. [III]
Gs 3,7-10.11.13-17; Sal 113A; Mt 18,21 - 19,1
O Zot, ki durim me mua Mt 18,26
Faleminderit o Atë, sepse ti je gjithmonë i durueshëm me mua; jam unë në të vërtetë që nuk jam i duruar me të tjerët.
Duke u kujtuar për mirësinë tënde, do të përpiqem ta fal edhe unë atë kolegun tim..., atë fqinjin tim..., atë të afërmin tim …

14/8 VEN XIX° T.O. [III]
Gs 24,1-13; Sal135; Mt 19,3-12
Atë që Hyji ka bashkuar, njeriu të mos e ndajë Mt 19,6
Kjo fjalë mbart në vete një dituri që i jep fuqi urdhërimit të gjashtë e të nëntë! Unë i admiroj ata bashkëshortë që as që e çojnë në mend të ndahen, as atëherë kur nuk kuptohen e as kur ndjehen të fyer. Ata e dinë që bashkimi i tyre është bekuar prej Hyjit, e që jashtë tij nuk ka bashkim. Kjo fjalë iu jep të rinjve vullnetin të përgatiten duke u ushtruar me lodhje në dashuri, e me lodhje të vënë në provë vetë besnikërinë e tyre.

15/8 SAB XIX° T.O. [III] ASSUNZIONE della B.V. MARIA [P]
Vesp.: 1Cr 15,3-4.15-16;16,1-2; Sal 131; 1Cor 15,54-57; Lc 11,27-28
Giorno: Ap 11,19;12,1-6.10; Sal 44; 1Cor 15,20-26; Lc 1,39-56
Ai i hodhi sytë mbi përulësinë e shërbëtores së vet Lk 1,48
Mund të themi edhe kështu: pa vogëlsinë e shërbëtores së vet.
Mari e Tërëshenjtë, ti që je vepra më e bukur e Hyjit, na mëso neve, bijve të tu të dashur, që asgjë nuk i pëlqen Zotit më shumë se përvujtnia e krijesave të tij: kur ato e kuptojnë se janë të varfëra përpara tij dhe i besojnë atij, atëherë ai mund të shkëlqejë në to me bukurinë e dashurisë së vet.
Mari, E ngritur në qiell, këndo alleluia!

16/8 DOM XX° T.O. Anno B [IV]
Pro 9,1-6; Sal 33; Ef 5,15-20; Gv 6,51-58(59)
Kush më ha mua, do të jetojë nëpërmjet meje Gjn 6,57
Atëherë kur sapo zgjohem në mëngjes e drejtoj zemrën time kah Jezusi, kah dashuria e tij, kah prania e tij, e pastaj gjatë ditës "ushqehem" me të, mbaj fjalën e tij në zemër, përpiqem të jetoj sipas "mënyrës" së tij, "bima" e jetës sime shpirtërore është e ushqyer mirë, qëndron drejt dhe i jep dritë e forcë jetike gjithë qenies sime.
Jezus, bukë e vërtetë e jetës sonë!

17/8 LUN XX° T.O. [IV]
Gdc 2,11-19; Sal 105; Mt 19,16-22
Eja e më ndiq Mt 19,21
Kur ti, Zot Jezus, hedh shikimin e dashurisë mbi një prej bijve të tu, ti kërkon prej tij të lërë vërtet gjithçka e të të ndjekë vetëm ty; por unë mund të them me përulësi se ti je për këdo që do të të ndjekë, më shumë se një bashkëshort apo bashkëshorte, ti jep më shumë gëzim se një shtëpi e bukur, më shumë se miq e festa, ti dhuron më shumë siguri se krahët e një babai, më shumë butësi se puthjet e një nëne...
Faleminderit, Jezus! Nuk isha e nuk jam asgjë, por ti më zgjodhe për vete!

18/8 MAR XX° T.O. [IV]
Gdc 6,11-24; Sal 84; Mt 19,23-30
Për Hyjin gjithçka është e mundur Mt 19,26
Sa mirë kështu …, përndryshe, i mjeri unë!
Si do t'ia bëja që të ndiqja Jezusin kur magjia e parave, suksesit e zakoneve të botës më tërheqin porsi një magnet?
Si do t'ia bëja të qëndroja besnik kur ndjenjat e mia marrin drejtim të gabuar?
Si do t'ia bëja të mos ushqeja urrejtje e të falja ata që më shkaktojnë probleme të mëdha?
"Për Hyjin gjithçka është e mundur"!
Sa mirë që je ti, o Zot, që më vjen në ndihmë!

19/8 MER XX° T.O. [IV]
Gdc 9,6-15; Sal 20; Mt 20,1-16
Më dëgjoni dhe Hyji ju dëgjoftë ju! Gjq 9,7
Ai që thotë këto fjalë është një njeri që i flet popullit të Izraelit nga ana e Hyjit. Pohimi i tij është i vërtetë: edhe ne e bëjmë përvojën që kur dëgjojmë ata që Jezusi na dërgon në emër të tij, gjejmë paqe në zemër, ashtu si dikush që gëzon miqësinë dhe mbrojtjen e më të mirit baba, më të mirit mbret.

20/8 GIO XX° T.O. [IV]
Gdc 11,29-39; Sal 39; Mt 22,1-14
Dasma është gati Mt 22,8
Duket sikur dëgjojmë zërin plot gëzim të Atit që i thotë secilit prej nesh: "Ja tek është gati për ty festa e amshuar, jeta e plotë në bashkim me mua e me Birin tim: e ka blerë ai këtë dhuratë për ty, atëherë kur për dashurinë tënde vdiq në kryq. Pranoje pa frikë e me dashuri të madhe"

21/8 VEN XX° T.O. [IV]
Rut 1,1.3-8.14-16.22; Sal 145; Mt 22,34-40
Hyji yt do të jetë Hyji im Rt 1,16
Të mirëpresësh zakonet, idetë, planet e një personi është shenjë dashurie dhe besimi. Këtë bëjnë bashkëshortët për të qëndruar të bashkuar.
Por të mirëpresësh e të përshtatesh me besimin e dikujt tjetër... është diçka shumë më serioze dhe e brishtë njëkohësisht. Ruta e bëri këtë gjë, në drejtimin e duhur! Ajo i braktisi idhujt e popullit të saj moabit për të zgjedhur Hyjin e Noemisë, Hyjin e vërtetë tek i cili besonte populli i Izraelit, e që do të dërgonte si Shpëtimtar Jezusin. Falë gjakut të çmuar të Jezusit, askush të mos bëjë ecjen mbrapsht!

22/8 SAB XX° T.O. [IV]
Rut 2,1-3.8-11;4,13-17; Sal 127; Mt 23,1-12
Mos veproni sipas veprave të tyre Mt 23,3
Kështu që nuk mund të mbrohem e të justifikohem pas "kështu bëjnë të gjithë" apo "edhe priftërinjtë...". Vërtet që shembulli bind më shumë se fjalët, por kur shembulli nuk është sipas Fjalës së Hyjit, është Fjala ajo që duhet të mbetet pika ime e palëvizshme, fari im në terrin e kësaj bote.

23/8 DOM XXI° T.O. Anno B [I]
Gs 24,1-2.15-17.18; Sal 33; Ef 5,21-32;
Gv 6,60-69(70)
Jezusi e dinte kush ishte ai që do ta tradhëtonte Gjn 6,64
Ndonjëherë e kuptoj se një takim i afërt apo një shërbim që do të ndërmarr do të jenë veçanërisht të vështirë. Kjo është për mua dritë, është dhuratë e Zotit: e braktis në çast veten në duart e tij e kërkoj përvujtnisht ndihmë prej tij; nuk është hera e parë që provoj dobësinë time në çastin e provës: e kam parë që ai vetëm është forca e besnikërisë sime.

24/8 LUN XXI° T.O. [I] S. BARTOLOMEO, Ap. [P]
Ap 21,9-14; Sal 144; Gv 1,45-51
Do të shohësh gjëra edhe më të mëdha! Gjn 1,50
Bartolomeu, kur dëgjoi fjalët e thjeshta që Jezusi i drejtoi në takimin e parë, e ndjeu veten të dashur e të njohur në një mënyrë të mrekullueshme. Jezusi i premtoi "gjëra më të mëdha": duke ndjekur Jezusin, do ta kishte njohur si atë mbi të cilin "ngjiten e zbresin ëngjëjt", si atë në na sjell në derë fjalën e Atit e që çon drejt tij njerëzimin tonë.

25/8 MAR XXI° T.O. [I]
1Ts 2,1-8; Sal 138; Mt 23,23-26
…ne nuk predikojmë që t'iu pëlqejmë njerëzve, por që t'i pëlqejmë Hyjit 1Sel 2,4
Ndonjëherë, me kusht që të mos iu shkaktojmë pakënaqësi njerëzve, nuk dimë t' japim dëshmi të mirë Jezusit: mbajmë të fshehur diturinë e tij, dritën e tij. Duke bërë kështu nuk e duam me të vërtetë të afërmin tonë.
Eja, Shpirt i Shenjtë, në zemrën tonë! Na jep dhuratën e të kërkuarit vetëm të pëlqimit të Atit, e do të jemi kështu dhuratë e vërtetë edhe për vëllezërit!

26/8 MER XXI° T.O. [I]
1Ts 2,9-13; Sal 138; Mt 23,27-32
Ju jeni dëshmitarë 1Sel 2,10
Të krishterët e Selanikut mes të cilëve Shën Pali kish ushtruar shërbesën e vet, qenë dëshmitarë të besnikërisë, të diturisë, të angazhimit serioz e të palodhshëm me të cilin apostulli kish vepruar.
Të falënderoj, Zot Jezus, që jam edhe unë dëshmitar i shërbimit të shenjtë të shumë vëllezërve e motrave.
Le të mos e shoh këtë shërbim vetëm me admirim, por le ta imitoj me gëzim!

27/8 GIO XXI° T.O. [I]
1Ts 3,7-13; Sal 89; Mt 24,42-51
Zoti juaj do të vijë Mt 24,42
Është e sigurt se një ditë do të takohemi me Jezusin... në një mënyrë përtej parashikimeve tona. Por mos ki frikë, sepse ai është Biri i Hyjit që për dashurinë tonë u bë pikërisht njeri.
Prandaj ne duam ta presim atë denjësisht duke i kërkuar Atit "t'i bëjë zemrat tona të qëndrueshme e të patëmeta në shenjtëri.".

28/8 VEN XXI° T.O. [I]
1Ts 4,1-8; Sal 96; Mt 25,1-13
Që çdonjëri prej jush të dijë ta mbajë të shenjtë e me nder trupin e vet 1Sel 4,4
Falënderojmë Zotin që gëzohet tek sheh se bijtë e tij kanë respekt për trupin e tyre: atë ai vërtet ia bën banesë Shpritit të tij të Shenjtë.
Faleminderit o Atë i mirë për këto duart e mia, për këta sytë e mi, për këto buzët e mia, për këto këmbët e mia: nëpërmjet tyre unë mundem të përmbush veprat e dashurisë tënde, e me ato ende do të jem me ty përgjithmonë në qiell!

29/8 SAB XXI° T.O. [I] Martirio di S. GIOVANNI BATTISTA [P]
Ger 1,17-19; Sal 70; Mc 6,17-29
Unë jam me ty që të të shpëtoj Jer 1,19
Ky premtim i bukur prej Zotit, Jeremisë i ngjan si ungjillor: është në të vërtetë Jezusi ai që na ka thënë e na ka treguar, e që çdo ditë na bën të ndjejmë në zemër se Hyji është një Atë që gjithmonë e vetëm na do.
As edhe mëkati nuk mund të na mbajë larg tij, nëse ne duam ta pranojmë Jezusin, Shpëtimtarin që ai na ka dhuruar.

30/8 DOM XXII° T.O. Anno B [II]
Dt 4,1-2.6-8; Sal 14; Gc 1,17-18.21-22.27;
Mc 7,1-8.14-15.21-23
"Dëgjomëni të gjithë e merrni vesh!" Mk 7,14
"Dëgjo, Izrael": është Zoti që i drejton fjalën e tij popullit të vet.
"Dëgjomëni të gjithë": ky je ti, Jezus, që i drejton të gjithëve fjalën tënde; ti flet si Hyji, ti je Hyji! Autoriteti, dashuria, shenjat hyjnore që ti ke përmbushur, dëshmia që Ati ka dhënë për ty, janë prova që ti je Hyj.
Edhe unë mundem t'i besoj plotësisht fjalës tënde, asaj fjale që më dhuron një liri të re, një shenjtëri prej dashurisë së vërtetë e plot gëzim.

31/8 LUN XXII° T.O. [II]
1Ts 4,13-18; Sal 95; Lc 4,16-30
Të gjithë u mbushën me zemërim. Lk 4,28
Fjala e Hyjit sapo ka paraqitur Jezusin e Nazaretit: është pikërisht ai të cilit Ati i ka vendosur vulën e vet, Shpirtin e Shenjtë.
Kjo ndodhi në Sinagogën e qytetit të tij: pas një reagimi me gëzim të bashkëfshatarëve tij, pason zemërimi: Jezusi nuk kish mundur t'i lëvdonte sepse nuk kish gjetur tek ta përvujtninë e besimit.
Jezus, bëj që të të qëndrojmë gjithmonë pranë, në përulësi!